ଦୁଇ ଧଳା ଜହର ବେପାରୀଙ୍କୁ ଗିରଫ କଲା ଅବକାରୀ ବିଭାଗ। ୧୮ଲକ୍ଷ ଟଙ୍କାର ଧଳା ଜହର ସମେତ ସ୍କୁଟି ଜବତ।

ଦୁଇ ଧଳା ଜହର ବେପାରୀଙ୍କୁ ଗିରଫ କଲା ଅବକାରୀ ବିଭାଗ। ୧୮ଲକ୍ଷ ଟଙ୍କାର ଧଳା ଜହର ସମେତ ସ୍କୁଟି ଜବତ।

ନୀଳଗିରି ,୪/୧(ଓଡ଼ିଶା ଆଦର୍ଶ): ନୀଳଗିରି ଅବକାରୀ ବିଭାଗ ପକ୍ଷରୁ ଆଜି ଚଢ଼ଉ କରି ୨ଜଣ ବ୍ରାଉନସୁଗର ବେପାରୀଙ୍କୁ ଗିରଫ କରିଛି । ସେମାନଙ୍କଠାରୁ ୧୮ଲକ୍ଷ ଟଙ୍କାର ଧଳା ଜହର ସହ ଏକ ଏଲେକ୍ଟ୍ରି ସ୍କୁଟି କୁ ଜବତ କରାଯାଇଛି । ସୂଚନା ଅନୁଯାୟୀ ନୀଳଗିରି ଅବକାରୀ ଇନ୍ସପେକ୍ଟର କେଶବ ଚନ୍ଦ୍ର ଦାସ ଏବଂ ଓଆଇସି ମନୋଜ ସାହୁ କୌଣସି ବିଶେଷ ସୂତ୍ରରୁ ଖବର ପାଇ ଏକ ସ୍ୱତନ୍ତ୍ର ଟିମ ନୀଳଗିରି ଉପଖଣ୍ଡ ଔପଦା ଥାନା ଅଞ୍ଚଳରେ ଚଢ଼ଉ କରିଥିଲା । ଅବକାରୀ ବିଭାଗର ଏହି ସ୍ଵତନ୍ତ୍ର ଟିମ୍ ସାଧା ପୋଷାକରେ ଗ୍ରାହକ ର ପରିଚୟ ଦେଇ ଖଇରା ଥାନା ରାମଚନ୍ଦ୍ରପୁର ଗାଁର ରାଜୀବ ପାତ୍ର(୨୮) ଓ ସହଯୋଗୀ ତଥା ଔପଦା ଥାନା ପାଟପୁର ଅଞ୍ଚଳର ଶୁଭମ ଦଳେଇ(୨୭)ଙ୍କୁ କଲେଜ ଛକରେ ମାଡ଼ି ବସିଥିଲେ । ସେମାନଙ୍କ ଠାରୁ ୧୮୦ଗ୍ରାମ ବ୍ରାଉନସୁଗାର ସହ ବେପାରରେ ବ୍ୟବହୃତ ଏଲେକ୍ଟ୍ରୀ ସ୍କୁଟିକୁ ମଧ୍ଯ ଜବତ କରାଯାଇଛି ।ଏହି ଚଢାଉରେ ଅବକାରୀ କନଷ୍ଟେବଳ ତପନ ମଲିକ, ସନ୍ତୋଷ ବେହେରା, କାଜୋଲ ପ୍ରିୟଦର୍ଶିନୀ ପ୍ରମୁଖ ସାମିଲ ଥିଲେ । ବିଭାଗ ପକ୍ଷରୁ ଏନେଇ ଏକ ମାମଲା ରୁଜୁ କରାଯାଇ ରାତିରେ ସେମାନଙ୍କୁ କୋର୍ଟଚାଲାଣ କରାଯାଇଥିବା ଜଣାପଡ଼ିଛି।